許瑋甯孖邱澤手拖手散步　美腿白到發光

台灣藝人許瑋甯同老公邱澤於2021年閃婚，之後二人成日都刻意避嫌唔合照，自官宣已婚後就罕有晒出甜蜜合照，即使同場時被要求合照都會次次拒絕，令人好奇二人感情點。估唔到近日有網友喺台灣街頭偶遇許瑋甯、邱澤手拖手散步，網友即刻影低二人難得一見嘅合照，仲自爆同許瑋甯對視咗幾秒，大讚佢非常靚女。合照中，只見二人十指緊扣等過馬路，打扮低調，齊齊戴上情侶帽，夠晒甜蜜。唔少網友就勁羨慕許瑋甯皮膚白滑，因為以短裙上陣嘅佢，美腿白到發晒光，令人眼前一亮！