朱智賢重咗12磅更見澎湃　真空撐起透視高衩晚裝

藝人朱智賢向來身材fit爆，更毫不吝嗇身材經常於社交平網大派福利，日前她出席公開活動時穿了一條黑色開高衩貼身晚裝裙的她，以真空上陣，側面透視兼以珠片點綴，晒波邊性感得來不失高貴，一雙長腿更是相當吸睛。不過，朱智賢明顯豐滿了不少，她接受東網獨家訪問時謂:「係呀！我真係肥咗好多，足足重咗12磅，係人生高峰嚟！」說到之前她經常跑步，又是Pilates導師，她又謂：「我冇做運動好耐！」

另外，朱智賢養了多年的松鼠狗冬甩上年年尾離世，一直視冬甩為仔仔的她，久未回復心情，而日前她於社交網限時動態PO了一張松鼠狗相片，還以為她又有「新寵」，不過她謂：「隻狗係朋友㗎！就係因為我仲好掛住冬甩，所以拎咗朋友隻狗返屋企，我真係唔敢再養住，好傷心。」