MIRROR獲邀擔正韓國觀光節目　旅行社開團過萬蚊打卡

韓聯社昨日（14日）報道，韓國觀光公社以旅遊特輯《呂濤米Lo Seoul》作為主打，節目由人氣偶像團體MIRROR出演，透過介紹漢江公園便利店、望遠市場等可以體驗當地日常生活嘅「親民」景點外，亦包括於人氣綜藝節目《黑白大廚》中有份參與嘅廚師所屬餐廳等內容。節目定於5月5至23日於ViuTV播出，當局以旅遊消費傾向較高的年輕人作為宣傳目標。

另外有旅行社開團，以「呂濤米Lo Seoul跟住遊豪華美食六天」作招徠，開價港紙13,880一位，列出6天團行程，雖然應該唔會有幾位鏡仔同行，不過都令唔少粉絲心郁，畀過萬蚊跟住偶像去韓國打卡。