鮮娛糧︱張敬軒同粉絲閒談忽然爆粗　口誤談「X鐵」尷尬掩面

歌手張敬軒出名Down to earth同粉絲打成一片，又成日都nice爆同網友吹水傾通宵，同粉絲面對面時更加係傾到入心入肺，最真嘅一面都拎埋出嚟。近日網上就流出一條佢演出過後同粉絲閒談嘅片段，見粉絲以半鹹淡廣東話表示，自己係專程由上海前嚟支持偶像，張敬軒即好Warm咁想繼續關心粉絲，點知佢一開口就爆粗：「上海呀？咁你哋全部都搭X鐵嚟？」

軒仔一時口誤令眾人起哄，佢自己就知衰，尷尬掩口、低頭、沉思、忍笑，幾秒鐘有幾十個表情，場面非常好笑，佢要沉澱幾秒後先可以繼續問：「都搭高鐵…」不過大家都已經笑到收唔到聲，佢亦繼續扮無嘢繼續傾，果然人喺最放鬆嘅時間，咩「真性情」都表露晒出嚟，非常爆笑。