元老遺作《死神來了：血脈》被喻系列最佳

荷里活恐怖片《死神來了》（Final Destination）以意想不到的血腥死亡方式為賣點，自2000年面世後大受歡迎，續集長拍長有，不過第5集已經是2011年的事。第6集《死神來了：血脈》（Final Destination Bloodlines）今年終於上映，系列元老Tony Todd回歸演出，雖然他上年11月離世，終年70歲，但戲份已經拍攝完成，電影成為他的遺作。

優先場觀眾大讚電影是多集中最血腥核突，但亦融入黑色幽默與感動情節，是系列中最佳。雙導演之一的Adam Stein受訪時，談到Tony的貢獻：「製作組所有人都知道佢病緊，我哋喺過程中都唔肯定佢參唔參與到。佢喺戲入面談及自己角色死亡，其實亦係同影迷講緊現實中自己即將離世，係一個好獨特嘅時刻。所以當佢講最後再見戲份時，我哋請求佢放低劇本，試吓從心而發講對死亡同人生意義嘅感受……戲入面有佢坦誠面對觀眾嘅智慧之言。」