m18講場：大家樂開「丼丼亭」　非因人哋有間屋！

大家樂(00341)同日本餐飲集團杵屋合作，旗下日式食肆「丼丼亭」今日於黃埔開張。作為大集團其中一間鋪頭仔，今日嘅開幕儀式可謂隆重其事，2間集團啲高層都有出席，除左一段切燒豬、舞獅表演，仲搵咗班dancers係餐廳門口前跳舞，甚是鋪張。

話時話，「丼丼亭」呢個名好耳熟，原來對家美心集團旗下都條日式食肆品牌叫「丼丼屋」，大家樂執行董事羅德承強調，「丼丼亭」喺日本1988年已經有，香港鋪運作模式同餐牌照足日本做，又解釋唔係人哋有間「屋」，佢哋就要整個「亭」競爭咁話。

不過其實呢間餐廳食材都主要喺香港入貨嘅，人均消費約70至90蚊。今日嘅開幕儀式公司就準備咗啲刺身、壽司同天婦羅畀來賓嚐鮮。好唔好食就見人見智，不過見大家樂首席執行官羅開光同媒體一席間嘅談話就飲咗唔少酒，睇嚟新鋪開張真係令佢心情大靚喇。

─ ─ ─ ─ ─ ─ ─ ─ ─ ─ ─ ─

「東網Money18」fb專頁：有討論、有分析，齊來FUN享，贏盡●你Like