電子支票今推出　首階段9銀行參與

東網電視

中銀香港為首階段推出實測電子支票的銀行之一。

電子支票今日正式推出，要試「開電子cheque」，首階段只有9家銀行的網上或流動銀行平台可以做到，包括農行(01288)、中銀香港(02388)、集友、富邦香港、恒生(00011)、南商、東亞(00023)、滙豐銀行及永隆。

至於客戶存入電子支票，則所有銀行皆可支援，但由於有部分銀行的網上系統並未受理客戶自行上傳支票，所以要「入電子cheque」，有機會要另外透過香港銀行同業結算公司營運的中央存票網站入票。

本報率先實測電子支票玩法，如要成功透過上述9家銀行「開電子cheque」:

1.記得拎定個保安編碼器出黎，下面幾個步驟都有機會用到；

2.登入網上或流動銀行平台，申請埋數碼簽署；

3.開cheque:填寫受款人姓名，金額，日期等資料；

4.下載你張cheque的PDF，電郵俾受款人

完成！

如要「入電子cheque」:

1.睇下銀行網上或流動銀行平台有無存入服務；

2.如無，就要去中央存票網站登記: https://www.echeque.hkicl.com.hk/ecp/?lang=zh_TW；

3.上載你的電子支票PDF到銀行平台或中央存票網站

完成!

電子支票最爽之處，是「截票」時間較長，毋須特登去銀行，趕在「閂門」前入票。不過，要留意中央存票網站截數時間為每個營業日的下午5時30分，如透過網上銀行入票，各間銀行截數時間均有不同，但肯定所有平台的電子支票存入服務一律皆免費。

仲有最重要一點，雖然電子支票睇上去同普通支票一樣樣，但其實係一份內藏數碼簽署的文件，大家千祈唔好咁傻豬打算印出黎當普通支票存入銀行，係行唔通的。

─ ─ ─ ─ ─ ─ ─ ─ ─ ─ ─ ─

「東網Money18」fb專頁：有討論、有分析，齊來FUN享，贏盡●你Like

on.cc東網