上車必睇！嘉湖山莊3月成交全攻略

近排樓價不停咁跌，新界區上車價更加頻頻跌穿心理關口。「無殼一族」想喺而家入市，就一定要睇住啲上車指標價位嚟講價，最怕資訊唔夠，跌市買貴咗就「揼心」喇！

專家教路，想喺新界區上車，無論揀邊度，始終都要?實「上車天堂」天水圍嘉湖山莊嘅成交價位作參考，咁就萬無一失。

3月份，嘉湖山莊「再爆發」，粗略計算，去到今日已經有21宗買賣，按月勁升6倍，真係畀個「勁」字佢。

不過，天水圍嘉湖山莊有6期超過1.5萬伙，係全港最大嘅私人屋苑，所以成交分布都好散，要用「自己方式」了解晒呢個月嘅買賣成交價，成交單位位置、座向、高低層數，都幾煩架。不過，睇晒5張圖，就可以一次過，逐期睇晒最新即市成交資料，去邊度執上車都「冇得輸」啦！

講番今個月嘉湖山莊最hit嘅期數，一定係離西鐵站較遠嘅第5期麗湖居，除咗成交最多，本月暫錄5宗買賣之外，仲榮登「最平成交價」寶座，呢期業主似乎幾腳軟咁喎！

講緊嘅就係麗湖居第9座高層2房單位，實用面積400幾方呎，業主劈到「3球」終於有人接貨。雖然唔及上年10月260萬「離奇」超筍價嘅7期景湖居單位咁平，不過暫時都仲係3月份嘅Best Buy，買家都收貨啦，仲想掂啫？

其他期數都有跌到3球邊嘅低價成交，分布喺1期樂湖居，同埋7期景湖居，唔講咁多，自己睇圖啦。啲圖做得咁精美，資料咁齊，唔係唔睇吓話？

─ ─ ─ ─ ─ ─ ─ ─ ─ ─ ─ ─

「東網Money18」fb專頁：有討論、有分析，齊來FUN享，贏盡●你Like