m18講場：小米賣埋電飯煲　盛惠999人仔

內地智能手機場競爭劇烈，各大牌都話要擴大戰線，高呼拓展屬於自己的智能生態系統，出電視、智能家居、相機、單車以至電動車，真係令人花多眼亂！早前高呼要回歸基本，專注生態系統發展的小米創辦人雷軍，當然亦唔會落後。小米周二(3月29日)就在北京高調發布「米家(Mijia)」的生態鏈品牌，當中作為主打的是「電飯煲」是也！

雷軍之前在兩會大談自己曾研究日本電飯煲生產工藝，外界早已猜測小米將進軍家電生產業務。至於周二公布的這款「米家IH壓力電飯煲」，雷軍就強調是小米進一步建構智能家居業務的策略，而「米家」這個品牌，就係「小米智能家庭」的簡稱！

小米產品一向以抵買作號召，不過飯煲就以999元人仔開賣，賣得這個價是由於佢識得煮飯外，更因為他引入「掃碼識米種，2000多種加熱方案」、「手機預約煮飯」、「語音喊你吃飯」等智能功能，而飯煲的設計團隊-純米科技，更是由日本「壓力 IH 電飯煲之父」-前三洋(Sanyo)電飯煲事業部開發部主管內藤毅負責，產品的設計與功能，絕對可以與日、韓一線家電產品角力。

講開小米進軍智能生活生態鏈，小米之前推出的智能手帶、空氣清新器及慮水器，早已吸引市場關注，而雷軍在今次發布會都開玩笑話隨多項產品的推出公司或可變身「小米百貨」。而眾多產品的背後，原來亦表了小米對55家生態鏈企業的投資，其中部分公司目前更取得每年過億，甚至10億元人民幣營業額，絕對係一門大生意。而繼今次的智能電飯煲後，雷軍日後唔知會否如外界猜測般，在未來進一步推出「智能廁板」呢？

─ ─ ─ ─ ─ ─ ─ ─ ─ ─ ─ ─

「東網Money18」fb專頁：有討論、有分析，齊來FUN享，贏盡●你Like