睇樓逐呎度：恒順園「奇則」轆齡無難度

東網電視

恒順園「奇則」單位走廊位足足有成14呎長。

住喺屯門區嘅巴打絲打，想「轆齡」梗係落美樂啦，但原來恒順園一樣有得玩。

Um......唔好搞錯喎，唔係講緊屋苑有個保齡球場，而係指有款「奇則」單位，走廊位足足有成14呎長，成條私家Link咁，以後約Friends想碌齡話都無咁易。嗱，講笑咋，唔好真係試呀！

今次逐呎度恒順園8座低層3房戶，建築/實用面積797/654方呎，屬套房間隔，實用率高達82%，整體布局四正，2廳採長形設計，面積約215方呎，間隔分明，布置靈活，樓底高度亦有8.2呎，頗具空間感。

單位最大的「賣點」，相信係由大廳至寢區嘅走廊位，長近14呎，可「媲美」一條正式的保齡球跑道。

個單位係就係有啲奇，但房間都幾實用，主人套房開則四正，不計套廁，面積逾90方呎，窗位長逾6呎，望開揚市景；而2間細房面積逾50方呎，惟窗位較主人房淺窄，未夠4呎，光線略嫌不足。至於浴室空間充裕，面積逾33方呎，設有小窗，空氣流通。

屯門恒順園遠離市中心，但勝在依山而建，環境幽靜，適合愛靜的用家選擇。屋苑入伙約25年，共9座物業，主攻3房戶，全屬連套房設計，啱晒實際至上的用家及換樓客。

屋苑樓齡雖舊，但基本設施充足，有游泳池、網球場等，步行約5分鐘可達毗鄰的置樂花園屋苑商場，有齊商舖、街市及食肆，附近亦設有巴士及小巴站，往來港九各區。

中原高級分行經理李梅芬表示，近月樓價持續回落，恒順園交投逐漸回升，4月至今已錄得3宗買賣成交，其中一個3座低層D室，實用面積637方呎，以412萬元獲承接，重回14年底價位。

她續說，目前屋苑有約10個3房放售盤，最平為6座低層戶，實用面積637方呎，業主叫價438萬元，料可議價3至5%，而上述類型的單位最低入場價約450萬元。

─ ─ ─ ─ ─ ─ ─ ─

香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95

樓市轉勢，癲價時代告終，上車客、換樓客終於迎來入市機會，今年「真的上車了」！ http://bit.ly/1zZzAUd

on.cc東網