樓盤Apps崛起　放盤勁慳經紀佣

「先生、小姐，睇唔睇樓？唔睇唔緊要，攞張卡片先，有興趣搵我！」經紀慣用的銷售手法會否成絕唱？最近見不少樓盤資訊網站崛起，業主花數百元就可將單位在網上放盤，租客更是零成本，雙方均免經紀佣就可達成交易。樓盤資訊網站會否搶佔傳統地產代理生意？

經營樓盤資訊網站的Spacious營運總監(中國)許志光表示，「業主只需畀150蚊，就可以喺我哋個網放1個租盤或賣盤3個月。」iProperty旗下GoHome.com.hk亦有提供業主放盤服務，刊登一般樓盤廣告90天只需100元起，且有首次免費放盤服務。而租客可按網站提供的聯絡資料，直接找業主洽商交易，免中介人收費。

若業主真的能單單花數百元在網站放盤，便能達成交易，節省上萬元的物業代理佣金，當然最理想不過。但要輕鬆配對業主及租客，網站的瀏覽量及內容質素都是關鍵。iProperty集團區域總經理(香港及澳門)羅雪欣指，其網站有不斷完善服務，提供更多設合用戶需要的樓盤資訊。

羅雪欣表示，44%網民會每天瀏覽網上影片，所以其網站會介紹每區居民的生活習慣，衣食住行，及區內的「筍盤」資訊。她了解到，「查詢多嘅盤源，一係就比同區啲樓盤定價更吸引，一係就啲相片及影片好靚。」

Spacious許志光稱，它會不斷改善用戶界面，公司3年前曾率先利用地圖搜尋樓盤，務求用新科技改善用戶體驗。公司由成立至今這3年，每月收入都有雙位數增長。

至於樓盤資訊網站用家業主唐太表示，事實上「租樓比買樓的要求低和簡單」，加上現時年輕租客大多傾向透過樓盤資訊網站尋找合心水租盤，故一向有用網站及物業代理「兩條腿」的方式，為自有物業放租。她指，最近亦透過租樓Apps成功為物業放租。唐太指出，用租樓Apps除了可以慳回經紀佣金外，租客更是「一蚊」都毋須付出，與傳統透過物業代理租樓，業主和租客各自需給予佣金有一定差別，但就需自己安排時間帶有意租客「睇樓」。

由於樓盤資訊網站的生意有增無減，傳統物業代理急需轉型？美聯物業住宅部行政總裁布少明指，「我哋公司自己有搞網站同Apps，放咗3萬幾個盤上去，每年花喺IT度嘅錢都超過8位數字(過千萬元)。而且都見到效果，過去幾個月，新界嘅租客2成至3成都係透過網或Apps嘅平台搵租盤！呢啲多數係年輕人。」

布少明坦言，透過網上或Apps租售樓盤是趨勢，但短期內未見會取代分行的業務。他續稱，公司有兩個主要優勢，有分行網絡，故盤源較多；而經紀提供專業的售後服務始終是無可取替。他又指出，公司積極利用科技開拓業務，望在舊經營模式加插創新元素。

─ ─ ─ ─ ─ ─ ─ ─

香港樓市日日新鮮，話題多多，想睇晒最update嘅樓市新聞短片，即刻click入 http://bit.ly/1M2kP95

樓市轉勢，癲價時代告終，上車客、換樓客終於迎來入市機會，今年「真的上車了」！ http://bit.ly/1zZzAUd