8個小習慣　包你「贏在終點前」

東網電視

(Getty Images圖片)

想彈琴叻？先要學琴，仲要練琴。想游水叻？學完亦要練。同樣道理，想變有錢？一樣有得學，養成以下8個生活小習慣，持之以恒，包你變有錢。

===========

1、化興趣為兼職

多勞多得呢個道理，你實明。但其實一份Part-Time，唔止賺多啲咁簡單，仲可以擴闊人脈，見識多啲。若將自己的興趣(如攝影、音樂)化成兼職，分分鐘有意想不到嘅得着添。

2、轉個高息戶口

唔好以為銀行存款戶口利息間間差唔多，耐心啲搵總會發現有一間、半間高少少。唔好睇少呢「少少」，小數怕長計。

3、讓錢搵錢

齋靠份糧，好難變有錢，所以要叫啲錢出去幫你再搵錢，簡單講即係「投資」，仲要愈早愈好。幾多唔係問題，最緊要係有分開一筆錢出嚟投資滾大佢。買咩好？Click去《東網Money 18》http://money18.on.cc 大把分析與推介啦。

4、埋成功者堆

「近朱者赤、近墨者黑」嘅道理，你小學已經識。所以想學懂投資、想成功、想變富有，要識埋堆，擴闊自己嘅眼界，必有所得着。就由你崇拜嘅前輩開始，仲唔快啲搵吓人？

5、睇多啲書

股神巴菲特每日有八成時間睇書；全球首富蓋茨亦係每日閱讀。不妨煲少啲劇，睇多幾本書。就由投資、個人理財類開始。

6、早睡早起

當大部分人仲懶緊床時，好多成功人士與富豪已經起咗身。做咩？覆Email、健身、靜坐默想、睇書咩都得。人哋成功總有原因。

7、習慣不安

穩穩陣陣自然會發達？No啦，應該要習慣不安與不確定先啱。有錢人好早就知道發達呢條路唔易行，預咗不安與不確定。追求舒適安穩不是錯，但一生總是差點色彩。今日就列岀5樣有助理財但未必舒服嘅嘢，做咗佢。

8、有目標計劃

有錢人從來唔會否認自己想要錢，集齊專注、勇氣、知識同努力至會成功。所以有明確目標同計劃好重要，唔好怕挑戰，要敢做敢想。

以上8個小習慣好難？緊記「自古成功在嘗試」，對於有目標、有夢想的你，試一試吧！

─ ─ ─ ─ ─ ─ ─ ─ ─ ─ ─ ─

「致富智庫」，領悟理財/職場智慧，一Click改變一世

「東網Money18」fb專頁：有討論、有分析，齊來FUN享，贏盡●你Like

on.cc東網