心郁郁想揀銀行開證券戶口？ 要碌大雙眼！
20160825
東網電視
更多新聞短片
日盼夜盼，深港通終有望於12月「通車」，大家或心郁郁想入市，所謂「工欲善其事，必先利其器」，有一個合適的證券交易平台好重要，若要選擇銀行證券戶口，究竟要點揀好呢？
●要「碌大雙眼」睇優惠
小數怕長計，無論你是第1次開戶或想「轉跑道」，開戶前比較一下各銀行交易佣金是常識！尤其即日鮮常客，緊記睇清佣金收費，降低投資成本。
邊幾間銀行佣金優惠最So？據小記統計，滙豐、花旗香港、星展香港及大新的新證券客戶都有免佣優惠。至於免2個月、3個月、或背後有咩特定條件，就要「碌大雙眼」看清楚「各大銀行證券優惠比併表」(附文)。
除咗著眼於係唔係真·優惠，優惠期過後的佣金收費亦要密切注意。
●仲有其他雜費？不是吧！
市面上不少的免佣優惠只是豁免買入佣金，沽出仍然是要收費的，例如中銀香港，每筆證券交易可減免佣金50元，但要注意減免佣金註明只限買入費。
同時，要留意其他雜費收費，如代收利息費、保管費等。以保管費為例，恒生銀行每月收取25元，滙豐則每月收取30元，望落去雖算小兒科，但你若對某些股票非常長情，揸其10年8年，條數都不算小。
●網上交易系統夠唔夠「硬正」
銀行的證券服務算係出色，而除了要夠「平」，網上交易系統必需要夠穩陣。不要以為一間銀行規模夠大、分行夠多，服務一定好；緊記問清楚除了提供網上買賣外，有否電話落盤服務做後備，確保一旦出現系統性問題，仍可透過電話渠道買賣股票。
不過，銀行職員忙起上來或未能即時接聽電話，等15至20分鐘亦很常見。
●黑客入侵，銀行有咩保安措施？
銀行的網銀系統不時遭黑客入侵並進行股票交易。
中銀香港個人金融及產品管理助理總經理兼股票業務主管陳碧蓮指，為加強該行網上銀行交易的安全，客戶若買入個別股票，需輸入一次性短訊密碼，客戶完成股票交易後，亦會發出免費交易短訊，讓客戶知道股票帳戶狀況。
渣打香港表示，已為網上股票交易系統推行一次性有效密碼，加強保障客戶網上股票交易的安全。
─ ─ ─ ─ ─ ─ ─
「東網Money18」全新功能「板塊追蹤」，助你分析抓緊投資先機
「致富智庫」領悟理財/職場智慧，一Click改變一世