公司畀着數想你返工 騎呢到你唔信！
20160831
東網電視
更多新聞短片
明日開學，細路唔多願返學，今晚要軟硬兼施鬧兼氹？查實何止細路返學要氹，大人返工一樣要氹！
作為打工仔一族，人工高係終極追求，不過今時今日年輕上班族唔係齋睇人工，着重反而係返工開唔開心。為咗氹人返工，以下19間公司創意無限各出騎呢着數，有啲福利怪到你唔信，無非係想大家返工返得Happy。
想活得快樂，記得Click 入 http://money18.on.cc/wealth ，等你笑住領略人生及職場智慧，叉足正能量，領悟致富的關鍵！
回說以下19間公司有19招，邊一招先氹得到閣下呢？
==========================
1、【跨國管理諮詢公司Accenture】幫員工支付變性開支
如果員工要變性，會全力支持，事關公司支持LGBT權益及社會多元化。
2、【瑞典音樂串流服務公司Spotify】冷藏卵子與協助生育費全包
講到產假福利，Spotify只係得六個月有薪產假同埋一個月彈性工作時間，未夠吸引？但搵醫生協助受孕及冷藏卵子嘅支出，公司包埋喎，成件事係咪唔同咗呢？
3、【美國地產資訊網站Zillow】包運母乳
當哺乳中嘅媽媽要出差時，公司會包埋母乳運送嘅費用。
4、【Google】身故繼續出10年糧
頓失家庭支柱認真徬徨，Google有個身故福利：就係員工過世後，會向員工嘅伴侶繼續出一半人工，仲要長達10年添。
5、【軟件公司Adobe】一年2次全公司齊放大假
每年12月最後一個星期及夏季其中一個星期，全公司上上下下一齊放假。
6、【美國旅客短租服務網站Airbnb】每年萬五蚊旅費津貼
員工每年有2,000蚊美金(成萬五蚊港元)旅費津貼，夠晒實用！
7、【美國網上電影租賃公司Netflix】一年有薪產假
新手父母通常手忙腳亂，Netflix就畀夠一年有薪產假等員工照顧小朋友，認真貼心！唔止新Mommy有，新Daddy一樣有。
8、【Twitter】一日3餐兼送針灸
Twitter出名福利好，除咗包一日3餐為人熟悉外，Office仲有針灸同埋即興班可以參加，真係包食包玩包養生！
9、【facebook】送3萬幾蚊「奶粉」錢
員工生咗BB，facebook會送4,000蚊美金(即是港元大嗱嗱3萬蚊)做賀禮。呢個係美國嗰邊員工福利，香港有冇？唔知呢。
10、【美國網上軟件生產商Salesforce】每年6日有薪義工假
Salesforce員工每年有6日有薪義工假，仲有1,000蚊美金(差不多8,000港元)畀員工捐錢做慈善，捐畀邊間機構由員工任揀。
11、【會計師行PwC】可報銷近萬蚊學生貸款
員工每年可報銷學生貸款1,200蚊美金(近成萬蚊港元！)
12、【醫療數據軟件公司Epic System】年假4個星期
做滿五年嘅員工就有4個星期年假，真係令人羨慕呀！
13、【雲端通訊服務商Twilio】送部Kindle兼畀埋錢買書
為咗鼓勵員工多閱讀，除咗每人一部Kindle外，仲有每個月30蚊美元(即是200幾蚊港元)來買書。
14、【滑雪裝備品牌Burton】畀有薪假滑雪兼送Ski Passes
Burton作為滑雪裝備品牌，福利就係有薪滑雪日兼送埋雪場通行證，真係寓工作於娛樂。
15、【世界自然基金會(WWF)】隔個禮拜五放假
WWF每隔一個星期就有一個周五可放假，呢個正正係啲非牟利機構放「Panda Fridays」假嘅出處。
16、【圖片社交網站Pinterest】有產後職前輔導
新任爸媽除有3個月有薪產假外，再加一個月彈性返工時間，仲有提供兩節產後職前輔導，幫新手爸媽度個計劃投入番工作崗位添！
17、【全球最大戶外運動用品公司REI】每年2日有薪玩樂假
REI好鼓勵員工要多啲出去戶外活動，所以員工每年都有兩日叫做「Yay Days」嘅有薪假，畀員工享受佢哋鍾意嘅戶外活動。
18、【雲端筆記服務公司Evernote】大量聯誼活動
公司經常搞聯誼活動，好似搞班整吓Macaroon咁，無非想增進同事間感情，凝聚團隊精神。
19、【迪士尼】免費入場玩
員工或帶埋朋友可以免費入樂園玩，樂園酒店同買嘢都有折，講緊係美國迪士尼員工。
－－－－－－－－－－－－－－－－－
「東網Money18」全新功能「板塊追蹤」，助你分析抓緊投資先機
「致富智庫」領悟理財/職場智慧，一Click改變一世