睇樓逐呎度：綠楊新邨「呂字」廳夠實用

東網電視

中秋佳節臨近，又係時間食月餅、賞月啦，一家人共聚天倫之樂！今期逐呎度去到荃灣綠楊新邨嘅單位，大廳採用呂字廳格局，勝在間隔分明、兼且實用性高，每邊廳面積起碼80方呎以上，地方寬敞。大人喺飯廳打牌傾心事，小朋友們就喺客廳打機，呢個中秋節認真梳乎！

今次睇樓逐呎度參觀咗綠楊新邨嘅則王戶型，實用面積582方呎嘅K座低層3房戶，最煞食係實用率高近87%，算係港鐵荃灣線沿線屋苑中數一數二。

單位採呂字廳設計，雖然降低咗廳堂嘅連貫性，但兩區空間闊落，其中近門口的客廳長逾10呎、闊近10呎，開則四正，且冇玄關及窗台位，放置電視櫃及梳化距離仍遠。至於飯廳亦有約8.1呎嘅闊度，有足夠空間放置大餐枱，嚟緊中秋節約埋親朋好友，一齊食團年飯都冇問題啦！

3個房間空間偌大，主人套房連浴室面積逾100方呎，並預留入牆衣櫃位，設計貼心。另一個客房面積亦逾74方呎，放置大床及衣櫃隨心所欲。

荃灣綠楊新邨交通及生活便利，3房戶向來係區內家庭客追捧對象。美聯梁仲維表示，綠楊新邨屬港鐵荃灣站上蓋屋苑，樓齡逾30年，由於實用率高及生活方便，長期有捧場客，8月屋苑錄9宗成交，追平今年4月最旺紀錄。

他續稱，隨着近月市況回勇，平價盤被市場吸納，現時與走訪單位同類的3房放盤只有5個，盤源屬歷來最少，最平放盤叫價亦漲至650萬元，較月前同類單位530萬元做價貴一截。

─ ─ ─ ─ ─ ─ ─ ─

香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95

樓市乍熱，想睇更多一、二手樓精彩故事，即click以下連結：

新盤置啱睇

二手置啱Feel

on.cc東網