司慕渢：醫藥股石藥作核心

東網電視

石藥集團

司慕渢在東方產經「北水頭等倉」專欄中表示，香港百多呎「劏房」新盤貴得令人嘩然，點知深圳唔執輸，六十幾呎的「蟻房」新盤成交叩價每平方米一萬五千元！不過，執筆時傳來深圳國土委話「蟻房」交易涉違法違規要取消。其實樓價咁樣鬥癲落去都係死路一條，何需連死都要鬥快呢？

回說市況，昨日港股主板成交得645億元，人氣低迷，相信係同臨近季結、期結，加上「十一」長假，港股通將於周四至下月10日暫停，以及美國總統選舉進入戲肉，此前唔做唔錯有關。若然看官睇好10月及11月市況，未來兩周的調整市可能是一個分注收集的機會。

經過去年A股崩盤一役，北大人學懂要搞好股市，就要從源頭做起，所講的是要有高質素的上市公司，才能徹底改善A股估值，單從市場流動性入手，結果得不償失。最近中證監便指要提高IPO欺詐發行處罰標準，睇嚟投融界生意愈來愈唔易做，惟有着眼長遠發展。

無獨有偶，港交所(00388)的李小加近日又話要打擊股價向下炒，口徑與北風何等一致。筆者就聽聞，早前提出的上市監管架構改革建議，只係見到一班有首富支持的商界同一批本地卜架喺度反對，交易所態度有點曖昧，皆因改革方向係北方意思，信不信由你！

講番個股，昨見聯邦制藥(03933)逆市做好，收報4.28元，升5.9%。講到醫藥股，又令筆者想起石藥集團(01093)，季內股價成功突破7元關阻力位，上周五股價試叩8元關未果，昨日收報7.88元，跌0.5%。由於8至8.5元區域乃去年大時代以來的阻力位，此前抖抖氣亦屬正常。

鑑於石藥增長前景樂觀，相信股價破頂只是時間問題，故仍視之為藥股的核心之選，中長線可繼續逢調整收集。

─ ─ ─ ─ ─ ─ ─

「東網Money18」新推的「板塊追蹤」，助你分析抓緊投資先機

「致富智庫」領悟理財/職場智慧，一Click改變一世

on.cc東網