午市有股惑：升破3蚊倒插 御藥堂賣咩藥？
20161123
東網電視
更多新聞短片
「藥箱都變成首飾箱！」呢句御藥堂(00932)經典廣告對白，相信大家一定聽過，其實就算無食過佢啲產品，如果你月初買入佢隻股份，呢個願望都有可能成真！
御藥堂月初發盈警，預期半年純利大減，但盈警後股價不跌反升，截至昨日已締造10連升，今早更一度上破3元心理關口，再創3.08元的歷史新高，低位計累升88%！惟其後見頂回落，最多曾跌近15%，現時跌幅收窄至2.7%報2.86元，成交額已連續3日超過1億元。睇番公司近日動作多多，到底後市有咩搞作？股價升勢能否持續呢？
御藥堂3月曾就去年度業績發盈警，股價多次下試1元心理關口。其後控股股東陳恩德先後在7月及8月，以每股作價1.78元，合共出售約9,000萬股套現。值得留意的是，就在配股期間，有52.11%實名持股轉入CCASS東方證券，如此大手股份，就只有陳恩德擁有，突然存入證券行，難免惹來賣殼聯想。
事實上，最近公司又有人事變動，委任王西華及梁鈞滺為執行及非執行董事，今早公司再公布減持內地分銷業務權益，同時計劃收購線上廣告代理業務，是否御藥堂為變身鋪路？
集團將於本周五公布中期業績，投資者需留意其控股股東是否有意再出售股份，以及今次股價炒上，會否引發股本活動。
─ ─ ─ ─ ─ ─ ─
又煩緊交稅？即刻click入「悠閒稅月」專頁
「東網Money18」全新功能「板塊追蹤」，助你分析抓緊投資先機