置業安居：北區低水盤有乜揀？
20161209
東網電視
更多新聞短片
新辣招一出，「辣」低二手樓交投，但上車盤樓價卻「反高潮」輪流破頂，令一心候低入市的無殼一族難免失望。其實，如果不介意住得遠一點，放眼新界北區不乏減價上車盤，個別較去年高位回落近4%，想尋覓低水盤不妨「揀呢啲」。
二手樓交投在加辣後明顯轉靜，惟部分首置客在「遲買樓價更貴」心態下，不惜高價追貨入市，近期一些用家主導的公屋、居屋及上車屋苑排隊錄破頂成交，無殼蝸牛要圓上車夢，難免失望而回。
其實，想「平平哋」上車置業，不妨諗諗新界北區的上水及粉嶺，加辣後不乏減價放盤選擇。地產代理指，區內一些流通量較低的上車盤，由於知名度不及區內指標屋苑，往往被買家忽視，故一些急於換樓的業主為求吸引買家，放盤價有得傾，尤其是加辣後市況轉趨淡靜，不時會有減價放盤可揀。
追求清靜的居所，大可放眼較冷門的低密度屋苑粉嶺花園，環境幽靜，入門盤現時減至4球有找，是區內少有的4球內屋苑式上車盤。想交通方便可揀同區粉嶺名都，鄰近港鐵站，現時4球可做業主，較今年高位價回落近4%。
想住得寬敞，可考慮偏離港鐵上水站的居屋翠麗花園，自由市場價430萬港元可做3房單位業主，較加辣前叫價平20萬元，相若Budget在港鐵上水站附近只夠買私樓2房盤。
─ ─ ─ ─ ─ ─ ─ ─ ─ ─ ─ ─
●粉嶺花園密度低 2房398萬
鍾情清靜居住環境的人士，粉嶺區內不妨放眼二線屋苑粉嶺花園，居住密度低，周邊人流稀少，現時398萬元可做2房業主。
落成29年的粉嶺花園位處粉嶺樓路，是區內少有的低密度私人屋苑，19座3層高物業圍繞內園泳池而建，有如置身度假村，而屋苑附近多為低矮建築物及綠化地帶，鄉郊氣息濃厚，適合喜歡清幽居住環境的用家。
屋苑雖然位置較隔涉，但鄰近地道食肆林立的聯和墟，加上海聯廣場商場及公眾體育館近在咫尺，吃喝玩樂不假外求。美中不足是粉嶺花園偏離港鐵粉嶺站，住戶搭港鐵要駁程車，對外交通難免失分。
粉嶺花園每座物業只有3層，清一色2房戶，最大賣點是實用率高約86%，間則四正且全屋不設窗台，內籠好用，惟要留意物業不設升降機。
六福行黎樹森表示，粉嶺花園屬區內較冷門的屋苑，現時放盤只有3個，最平為11座中層戶，實用面積467方呎，今年初放盤叫價420萬元，現叫398萬元求售，較去年高位同類做價回落3%，是區內少有仍見「3字頭」的屋苑式上車盤。代理指，新辣招後屋苑曾現同類成交，19座高層一個2房戶以約360萬元易手。
─ ─ ─ ─ ─ ─ ─ ─ ─ ─ ─ ─
●粉嶺名都近港鐵站 配套齊全
鄰近港鐵粉嶺站有多個大型住宅屋苑，講到加辣後較抵買的上車盤，首推粉嶺名都，不但最近港鐵站口，入場費更降至400萬元，較區內上車熱點粉嶺中心及碧湖花園低水，至啱上車族。
樓齡23年的粉嶺名都，由7座物業組成，提供約1,280伙，當中75%為2房戶，迎合上車客需要。屋苑除了商場及泳池等設施一應俱全外，最煞食賣點是建於港鐵站旁邊，位置比區內上車熱點粉嶺中心及碧湖花園更具優勢，住戶過條馬路即可搭港鐵，返工不怕塞車遲到。
六福行黎樹森表示，新辣招「滿月」，粉嶺5大指標屋苑交投按月急挫6成，惟一線屋苑粉嶺中心及碧湖花園放盤價仍硬淨，後者更錄創新高成交，想搵低水盤不妨向粉嶺名都埋手，正因屋苑流通量較低，樓價欠缺指標，辣招後不乏心急放盤業主減價求售，樓價落後粉嶺中心及碧湖花園等上車熱點。
他指，粉嶺名都入門盤為4座低層2房戶，實用面積399方呎，9月叫價422萬元，挑戰屋苑高位，及後因業主有意換樓，11月底輾轉落價至406萬元，加辣後再減至4球，較屋苑同類高位回落近4%。
─ ─ ─ ─ ─ ─ ─ ─ ─ ─ ─ ─
●翠麗花園430萬住3房單位
加辣後上水上車屋苑樓價普遍「跌唔落」，尤其鄰近港鐵站的上車盤叫價動輒420萬元。其實，「畀多少少」已夠買同區居屋翠麗花園3房單位，住得闊落一樣有計。
翠麗花園樓齡27年，屬私人參建居屋，因遠離港鐵站及上水市中心鬧市，樓價向來低水，加上有北區運動場為鄰，環境寧靜，至啱愛靜一族。屋苑共有6座大廈，近年已翻新，內外見得人，其中3房單位實用面積590餘方呎，房大廳大，惟門口位置有角位，增加擺放家具的難度。
美聯王子超稱，新辣招一出上水區二手交投急挫，出招後「滿月」區內4大屋苑僅錄逾10宗成交，淡靜程度拍得住今年農曆年樓市低潮期，做價普遍跌5%。但平盤被消化後港鐵站一帶指標上車盤普遍叫價企硬在420萬元以上，相若銀碼夠買翠麗花園3房減價盤。
他指，現時翠麗花園3房入門盤為2座中層戶，實用面積591方呎，自由市場叫價企硬450萬元，惟新辣招出台後市況淡靜，新近減價至430萬元，雖挑戰屋苑新高，但屬區內3房最平之選。去年旺市時曾有同類單位以418萬元破頂價售出。
─ ─ ─ ─ ─ ─ ─ ─
香港樓市日日新鮮，話題多多，想睇晒最update樓市新聞短片，即刻click入http://bit.ly/1M2kP95
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel