香港寛頻員工福利　有辣有唔辣

東網電視

楊主光

香港寬頻CEO楊主光(威哥)今日同小記分享，今年香港嘅員工平均加人工4.5%，廣州嘅員工仲加8%，今年仲會開始出14個月糧。佢仲拍晒心口話，相信福利同待遇係全行最好，仲叫小記搵下香港有無公司可以提出更好嘅條件。　

佢又好自豪咁話，公司嘅福利非常好，女士有16個禮拜產假，男士都享有2個禮拜侍產假，雖然無生日假，但係員工每年到咗入職月份又可以放一日入職周年假，慶祝加入公司又一年咁話。除此之外，威哥仲話公司有個「買假送假」嘅政策，員工如果請一日無薪假，公司就送多日假畀你，上限最多去到5日變10日。嘩！咁咪好着數？

啲福利真係搞到小記流晒口水，不過魔鬼藏喺細節入面，福利好背後威哥對員工嘅要求唔低，捽數方面唔在講，公司每年都會炒約5%表現唔達標嘅員工，睇嚟真係NO PAIN NO GAIN！

─ ─ ─ ─ ─ ─ ─

「東網Money18」全新功能「板塊追蹤」，助你分析抓緊投資先機http://money18.on.cc/info/liveinfo_industry.html

「致富智庫」，領悟理財/職場智慧，一Click改變一世

on.cc東網