羅旭瑞：話我挾媽媽爭權係大笑話！
20170518
東網電視
更多新聞短片
羅旭瑞(左)就近期的家族爭產風波侃侃而談。
鷹君(00041)羅氏家族風波其中一重要人物二子羅旭瑞，周四現身旗下富豪產業信託(01881)股東會，並首度就「爭產疑雲」開腔。他指媽媽羅杜莉君想取回資產，由她自己管自己再作安排，她是想要公平和公道。他強調對爭產「冇興趣」，他只是想幫媽媽，在事件中自覺「有啲委屈同遺憾」，「話我挾媽媽爭權係大笑話！」
羅旭瑞指由於羅老太的意願遭違背，所以她才控告滙豐信託，又指她老人家疼愛所有子女，想「好公平咁處理問題。」對於家族基金受益人安排，羅旭瑞強調：「我有自己嘅事業同公司，所以嗰啲對我來講，比重唔係好重要，唔想過問太多。」
對於被外界視為爭產兩大陣營之一，羅旭瑞表示：「我係乜陣營都唔知，我係幫媽媽。」對於有指羅老太特別疼愛他，羅旭瑞則笑說媽媽個個都疼愛。
羅旭瑞不認同把事件理解為「爭產」，他指「事件唔關邊個兄弟攞多啲、邊個攞少啲事，我所知唔係。」至於孻弟羅啟瑞早前被踢出鷹君董事局，羅旭瑞表示知道原因，但不便透露，只稱感到遺憾，並表示羅老太因此感到好唔開心，稱是羅老太叫他幫忙協調，希望有個「和洽收場」。
對於被指1983年聯同外人「狙擊」自己家族旗下公司富豪酒店，羅旭瑞亦罕有自白。他指當年其實是有人想棄車保帥提出低價把公司賣走在先，他見既然一定要賣，不如他找朋友「畀多三成」收購，「益番屋企公司」，他指「你情我願，點會係狙擊！」，並指亡父羅鷹石亦「唔係因為咁而不滿」。
對於剛過去的母親節，鷹君主席羅嘉瑞、羅康瑞和羅鷹瑞等沒有出席聚會，羅旭瑞稱「全部人都有叫！(羅康瑞係中立？)據知佢當日唔喺香港。」羅旭瑞指過往他一向有安排家庭聚會，但「新年後(即羅老太去年底入稟要求撤換家族基金信託人後)有啲變化，有啲人冇出席。」他並形容與羅嘉瑞感情冇乜特別，都係兄弟感情。
羅旭瑞受訪尾聲時，表示要去見一位重要人物後，便即時離開，原來是去酒店大廳見其97歲的母親羅老太。
母親節後一直未有露面的羅老太，當時正與二女羅鴻鏇飲茶。坐着輪椅的羅老太相當精神，向大家揮手打招呼，更精靈地跟記者Say「Hi」。
問到羅老太在酒店暫住情況？她表示住得很開心，自言「想去邊就去邊！」問到羅老太是否不想見三子羅嘉瑞時？她未有反應。至於問到爭產案？她只示意聽不到，最後約逗留五分鐘後便返回酒店房間。
－－－－－－
「致富智庫」領悟理財/職場智慧，一Click改變一世
東網已全面支援360影片及相片，讓你全方位睇盡新聞大事，恍如置身現場，立即登入東網360專頁：
「東網Money18」全新功能「板塊追蹤」，助你分析投資先機
新股上市消息資訊，不停為你update，即刻click入