投資Blogger教路 做股債達人話咁易
20170716
東網電視
更多新聞短片
投資Blogger鍾記表示，散戶最適合揀盈富。
鍾：投資Blogger、全職投資者 鍾記
Kitty：你有廿幾年做金融工作經驗，由分析員做起，到最後做芬佬，舊年3月仲辭埋工，專心搞Blog同個人投資，真係好羨慕你可以做自由人。
鍾：我同太太都冇返工，已達財務自由，現時資產組合約平均分3部分，包括收租物業、股票、債券，每月可製造過10萬元嘅被動收入，因我哋唔大使，生活都覺得充裕。股票方面，我會運用股票與現金三七比嘅策略，市好、估值高時，就減持股票，令股票減至最少3成嘅比例；市差、估值平，就增持股票，最多增至7成比例。
鍾：債券投資方面，我追求每年3%回報就滿足，唔會搏殺，環球利息上升緊，我會選擇持有短年期嘅直債至到期為止，就算債價波動都唔關我事；股票方面，我就有三寶，有盈富基金（02800）、滙豐控股（00005）、港交所（00388）用嚟長線投資。散戶最啱揀盈富，若每年有7至8%總收益，幫你揀晒股票，計及複式效應，9年可Double本金。
彩兒：你今次新書《選股與估值─價值投資的得勝之道》係講選股同估值，等你教路喇。
鍾：你應該要買我本書睇，哈哈！我簡單說明，揀優質股最好合乎4大條件，要有經濟專利、有護城河、有增長潛力，以及企業管治佳，港交所明顯係一個好例子；若要喺好嘅時機入市，就要識點睇估值，唔同類型企業要用唔同嘅估值方法，我本書入面有教10種方法，若係股友今年最留意嘅科網股，就要用PEG指標（市盈增長率）去睇喇。
－－－－－－
「東網Money18」全新功能「貼市貼士」，助你掌握投資先機
致富智庫」領悟理財/職場智慧，一Click改變一世
東網已全面支援360影片及相片，讓你全方位睇盡新聞大事，恍如置身現場，立即登入東網360專頁：
新股上市消息資訊，不停為你update，即刻click入