睇樓逐呎度：碧堤半島房間窗細細
20170910
東網電視
更多新聞短片
現代人講求健康生活，居住環境當然係重要嘅一環。今期《睇樓逐呎度》就同大家參觀咗深井碧堤半島嘅單位，整體嚟講廳房設計四正，但細心一睇，客房窗位唔夠4呎，除咗令到室內光線暗淡，成間房空氣亦侷促，想抖啖氣都難......平時返工已經好大壓力，連屋企都咁難抖氣，真係喊咗出嚟！
今次走訪嘅兩房單位，實用面積517方呎，入屋要經過玄關先到大廳。大廳呈長形設計，長約16.36呎，樓底8.58呎，空間都算係寬敞。客廳設有闊9.67呎嘅大窗戶，用盡兩邊牆位，令室內光猛開揚。飯廳空間相若，但較為失色嘅係有廚房門口位所阻，擺放餐桌時要考考住戶心思喇。
飯廳旁邊嘅廚房空間闊落，長逾10呎，闊亦有5.4呎，配置廚櫃後走動空間充裕，兩口子齊齊下廚亦唔會覺得迫迫狹。但美中不足嘅係，廚房亦有角位，適宜度身訂造廚櫃，先至可以善用空間。
兩個房間地方都算闊落，其中主人房面積約73方呎，設有闊超過6.3呎嘅大窗戶，引入充足陽光。不過，客房個環境就差咗啲，面積雖然有57方呎，擺放睡床及書桌綽綽有餘，但窗位實在太細，感覺侷促，進入室內光線亦唔多夠，好多時就算係大白天，喺房內都要開燈，啲光度先足夠。
晉誠地產古宏曦表示，碧堤半島規模大，而且設有大型會所，加上建於海濱，環境及配套俱佳，向來深受中產家庭追捧。上述走訪嘅兩房單位同類放盤主要望山景，入場費610萬元。
他續說，受多個新界新盤登場搶客，碧堤半島8月交投轉淡，加上業主普遍叫價企硬，要到月底才破悶局錄成交，當中有同類兩房單位以585萬元易手，較原先叫價只微減5萬元。
－－－－－－
香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel