仲諗住紀念鈔？中銀出1公斤紀念金條　你衝唔衝？

東網電視

中銀香港張穎思手上嘅，就係重1公斤嘅百年中銀紀念金條嘞。

中國銀行(香港)(02388)今年百年行慶，大家猴緊出百周年紀念鈔？紀念鈔就未知，但有樣分量肯定重過紀念鈔嘅，就係中銀香港下月初會出每條1公斤嘅9999足金紀念金條！不過就算閣下有興趣都未必一定有份，事關只發行100條。

今次中銀香港推出百年紀念金條重1公斤(千克)，按照現時金價，每條金條價值約36萬，金條背面都有個百年行慶標識同獨有編號，收藏價值都好高吓。不過發行量咁少，睇怕幾難搶。

驚搶唔到咁重型嘅紀念金條？仲有選擇，中銀香港其實4月已推出咗10克同100克百年紀念金牌，發行量分別係2萬同1萬個，一樣係9999足金，同樣有百年行慶標識與獨有編號。嗱聽講現時仲有貨，不過始終係限量。

講開金，除咗實體金外，點可以唔提好多投資者都鐘意嘅紙黃金，中銀香港個人金融及財富管理部助理總經理張穎思就話，因為地緣政治風險升高，加上國際金價由年初每盎士見1,100美元升至現時1,300美元左右，因此唔少投資者都持觀望態度，導致今年至今交易量跌咗15%！

話時話，有得你揀，你揀紙黃金定金條？

─ ─ ─ ─ ─ ─

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

「致富智庫」領悟理財/職場智慧，一Click改變一世

新股上市消息資訊，不停為你update，即刻click入

on.cc東網