中銀足金「慈善珍藏版」紀念鈔有冇得炒？錢幣專家咁樣講

東網電視

每套中銀香港百年華誕紀念鈔均附一張重2g嘅999足金「銀紙」！

中銀香港(02388)百年華誕紀念鈔出「慈善珍藏版」！特別之處在於冧巴勁靚，每套仲包一張足金「鈔票」添！有冇得炒？嗱錢幣專家就話......

早前中銀香港推出咗500萬張百年華誕紀念鈔票，並從中精心挑選咗一啲靚巴冧嘅，組成今次呢批「慈善珍藏版」，今次嘅「慈善珍藏版」一供7款(單鈔3款、3連張2款、30連張2款)，加埋只得388套。

想申請？今次要競投架，要喺分行或網頁攞表格，填完交回畀中銀香港。講明係價高者得，同價就抽籤，收益扣除成本後全捐作本地慈善。

今次「慈善珍藏版」紀念鈔包括無英文冠字、冠字AA、BC及HK，不同款嘅分別主要係冧把靚嘅程度。

其中一款「單鈔銅鑽珍藏版」，競投底價為5,000蚊，出114套，入場門檻最低。至於最罕嘅就非「整版30連張鑽石珍藏版」莫屬，得19套，競投底價6萬元！

不過最特別係，呢批紀念鈔每套均附一張淨重兩克嘅999足金金頁，除卻冇冧巴，設計與Size同張紀念鈔一樣，名乎其實係「金鈔票」！

呢批有冇得炒？錢幣專家梁裕棋話，睇怕都係「有錢人玩意」，佢估計呢批冧巴十分罕有，大部分人買嚟收藏多，好少人會放同炒。

錢幣專家梁陳榮輝睇法差不多，認為呢批嘅炒風都唔會點熾熱，因為入場費實在太貴！

─ ─ ─ ─ ─ ─

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

「東網Money18」全新功能「貼市貼士」，助你掌握投資先機

on.cc東網