睇樓逐呎度：齊睇勝利道1號「電鑽形」奇則
20171029
東網電視
更多新聞短片
單位圖則似足技工用電鑽。
時下新型精品單幢住宅「奇則」處處，一般嘅「劏房則」根本唔再係咩稀奇事！不過，今期《睇樓逐呎度》參觀何文田勝利道1號嘅開放式單位，睇圖則完全似個技工用電鑽咁，真係嘆為觀止！
廳堂間隔三尖八角不在話下，最神奇仲有個五角形浴室充當「電鑽頭」，起得出咁嘅則都只能講個「服」字。
呢個單位絕對算得上係經典「奇則」，單位實用面積226方呎，內籠「迷你」過「迷你兵團」，設計將廳房合二為一，面積近100方呎內籠，長逾13.8呎，外連小露台，其中大門對開位偏窄，僅5.37呎，只夠放置書桌及椅子。
全屋最闊為廚房附近位置，最適宜放置睡床，可惜呈不規則形狀，要度身訂造家具先可以盡用每寸空間。不過，睡床難免會擋住廚房及露台出入口，住戶要跨過睡床才能進出。
五角形浴室面積勉強夠20方呎，其中採用「三角形」設計嘅淋浴間僅僅佔7方呎，即係大概三分之一嘅地方。試諗吓沖涼時置身其中，閂埋門開着花灑，真係轉個身都難。
不過，值得一讚嘅係，單位樓底高度超過9.7呎，可以話係近年數一數二高樓底嘅單幢物業，空間感絕對十足，有助善用垂直空間。另外，廚房開則亦佳，面積近25方呎，長闊比例勻稱，且外連工作平台。
以街道作物業名稱嘅勝利道1號落成5年，坐落喺旺角與何文田交界，靜中帶旺，而且設有住客會所。利嘉閣盛家倫指，上述呢類開放式單位係物業最細戶型，勝在樓價夠「親民」，一直深得年輕一族及收租客追捧，現時最平放盤430萬港元。物業今年錄3宗開放式單位交投，曾經有單位衝上408萬元成交價破頂。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel