港交所開博物館 「大時代」懷舊嘢有得睇

20180117
東網電視
更多新聞短片

由港交所(00388)交易大堂改建成嘅「香港金融大會堂」,現時正日夜趕工,將於狗年第一個交易日,即2月20日(年初五)隆重開幕。同時,金融大會堂內嘅「博物館」也會同日登場。

港交所行政總裁李小加早前親自寫信畀班市場人士,希望佢哋能捐出或借出一啲珍藏畀博物館展出。股壇「老行尊」蔡陳葆心收到小加來信後,就應承咗會捐出極具紀念價值嘅「橙背心」、「交易飛仔」、以及金銀會經紀名冊等畀博物館。

有逾31年歷史嘅交易大堂舊年10月底光榮關閉,李小加曾經話過,雖然「大時代」嘅場景結束,但新嘅「大時代」即將開始。睇番近日股市牛氣沖天,應該冇人會對「新大時代」有異議。

為咗迎接「新大時代」,現時金融大會堂嘅裝修工程正進行得如火如荼,港交所上下都非常重視,不容有失。金融大會堂將會設有不同區,可以做展覽廳、論壇、酒會、上市儀式同投資者活動等,各區又可以互動。另一個區則係博物館,開幕初期只會有基本展品,之後再慢慢增加展品內容。

蔡陳葆心嘅囝囝蔡思聰話,好多行家未必會收藏以往嘅紀念品,好似上次「紅背心」派對,唔少經紀要特登搵裁縫做番件新紅衫仔出來。但佢媽咪就愛收藏,加上同交易所關係咁好,做過當時嘅聯交所第一副主席,當然會捐出自己嘅歷史珍藏出來。若港交所搞捐贈儀式,媽咪亦會出席。

小記就關心市民可唔可以參觀金融大會堂內嘅「博物館」。據了解,參觀細節待定,但應該可以開放予公眾,但必須預約,及設導賞參觀,即係有職員接待同介紹;但因保安關係,Walk In就未必可以了。

今年證券界新春團拜將於2月26日(年十一)舉行,應該會係金融大會堂開幕後首個大型經紀活動,畀經紀業界、出市員等聚首一堂,重返變身後嘅交易大堂!
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!

立即免費下載,體驗《骰寶坊》最真實、刺激的多人在線骰寶遊戲!

遊戲下載:
https://goo.gl/i2t1yj

虛擬貨幣新錢途︰
http://on.cc/virtualcoins/

新股上市專輯︰
http://money18.on.cc/IPO/

「東網Money18」全新功能「貼市貼士」,助你掌握投資先機
http://bit.ly/2sLtGDm

「致富智庫」領悟理財/職場智慧,一Click改變一世
http://money18.on.cc/wealth