恒生「一姐」唔止管理叻 球技仲好了得？
20180416
東網電視
更多新聞短片
鄭慧敏打得有板有眼。
鄭慧敏(Louisa)舊年7月出任恒生銀行(00011)副董事長兼行政總裁，佢做咗恒生「一姐」後，原來私下秘密練功，周一(4月16日)終於首次喺公眾面前露兩手！
講嘅係Louisa嘅球技，不過唔係佢最擅長嘅Tennis(網球)，今次多張枱，係Table Tennis(乒乓球)！佢話自己係由零開始，足足練咗5個月！小記見Louisa打得有板有眼，佢有網球底，多張枱難唔到佢。
因乜解究Louisa要咁勤力？事關恒生乒乓球學院周一舉行畢業典禮，Louisa當然要落場露兩手啦。
佢先同香港乒乓總會教練陳淑媛熱身示範，開頭雖有啲緊張，但好快進入狀態，教練即刻增加難度，係球枱上放咗3個迷你乒乓球拍，Louisa好快地就打個乒乓波擊中晒，唔講仲以為佢平時有玩開保齡球。
熱身完，Louisa就同男子乒乓球世界排名第七位嘅黃鎮廷切磋，Louisa一啲都唔輸蝕畀專業球員架。
Louisa呢5個月來，每個月平均都練4至5次，每次大約1個鐘，連教練陳淑媛都讚佢係個好勤力嘅學生，仲每一次練習都有驚喜。Louisa話，覺得乒乓球比起網球，更加考反應同靈活度，佢仲鼓勵學生球員話「我咁樣都接到波，學生球員更加唔使驚啦！」
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
中美貿易戰開打，全球震動，即上東網專頁