銀行點谷Fintech?最醒梗係搞比賽「攞橋」

20180416
東網電視
更多新聞短片
中銀香港啱啱亦都搞咗個「極客大賽」。
近年香港銀行界管理層人人口邊掛住「金融科技 」(Fintech),不過原來唔係得個講字。渣打香港就大嗱嗱掟咗一億元設立新創科中心,佔地逾1萬平方呎,為渣打員工同埋創科Start-up拍擋提供共享空間。
除咗提供場地外,渣打會同香港大學合作,為渣打香港1千名員工提供以金融科技為主題嘅網上認程課程。渣打香港行政總裁禤惠儀仲話打算請100名創科人員進駐中心。咁未來會掟多幾多個一億落呢個創科中心?禤惠儀就話要視乎日後發展情況如何嘞!
另一邊,中銀香港(02388)啱啱亦都搞咗個「極客大賽」(Hackathon),出40萬獎金作招徠,吸引唔同參賽隊伍交出各種金融科技相關方案。中銀香港資訊科技部總經理鄭松岩話收到好多創意豐富嘅分行服務、支付同投資金融科技方案。佢仲話,中銀香港會好好研究啲方案,睇吓該行可唔可應用添。
出幾十萬獎金就吸到好橋,抵!計小記話,搞比賽呢招,先係終極絕世好橋!
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:
中美貿易戰開打,全球震動,即上東網專頁