睇樓逐呎度：樓唔怕舊！杏花邨開則一流
20180603
東網電視
更多新聞短片
到底揀新樓定舊樓，相信係唔少上車客嘅置業難題？呢期《睇樓逐呎度》參觀港島老牌屋苑柴灣杏花邨，單位內籠勝在夠晒是正，今次主角嘅兩房單位實用率高達8成，而且廳定房間隔四正，完全唔似「奇則」咁三尖八角。不過咁，屋苑各座嘅樓齡超過30年，睇落係老舊少少，但正所謂，魚與熊掌不可兼得，大家自己考慮吓喇！
單位實用面積499方呎，樓底僅僅8.23呎，雖然較部分新進屋苑樓底為低，但好彩內籠闊落，彌補樓底矮嘅不足之處。大廳採用L形設計，不設玄關及窗台位，間隔見使好用，尤其客廳面積約100方呎，較飯廳為大，放置家具唔使就住就住。飯廳地方偏細，面積約40方呎，但仍然夠擺四人餐桌，值得加分嘅係，客廳設有闊逾7呎嘅窗戶，加上飯廳嘅窗戶，形成對流窗，一室通爽。
兩個房間空間感強，其中主人房面積約76方呎，放置雙人床後仍有充足活動空間，惟設有長逾4呎窗台，實用性較低。客房面積逾62方呎，最大亮點係三邊有窗戶，令室內明亮通爽。
至於近大門嘅廚房四正實用，長9.31呎、闊近5呎，下廚空間充足。至於浴室內籠面積只有約32方呎，略嫌侷促。
杏花邨係港鐵港島支線大型上蓋屋苑，臨近海濱而建，居住環境佳，加上其港鐵站及基座商場幾乎成為屋苑居民「專享」，生活配套齊全。美聯李聖智指，上述走訪單位屬屋苑兩房「樓王」戶型，望小海景，同類入門盤現時最平叫850萬元。
－－－－－－
《骰寶坊》誠邀各地【賭王】【賭后】挑戰神人境界，每日更有百萬升碼等你取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel