李小加獲港交所續約 估吓佢袋幾多

20180613
東網電視
更多新聞短片
當年李小加(左)去港交所面試,史美倫(右)都有份Interview佢,幾有緣。
香港交易所(00388)周三公布,同行政總裁李小加獲續約3年,新合約期由今年10月16日起至2021年10月15日。又因為佢嘅集團行政總裁身份,所以同時亦係董事會當然成員,任期同佢僱用年期相同。
小加話,喺港交所工作近九年,港交所係佢最熱愛嘅工作,冇其他工作較呢份工更能發揮貢獻咁話。
小加總裁嘅新人工係年薪931.5萬元,比起佢之前年薪900萬,即係加咗3.5%。不過咪以為佢只係得嗰九百零萬落袋,佢個報酬Package,另外仲有其他福利、公積金、酌情表現花紅同獎授股份。即係有幾多?
嗱,睇番港交所公布,舊年小加總裁除咗年薪900萬元外,另外仲有其他福利40.2萬元、退休福利112.5萬元、現金花紅1,500萬元咁,加埋已經有成2,552萬幾元!不過仲未止,另外仲有筆2,332萬元嘅股份獎授福利,換言之,舊年佢總共有成4,885萬落袋!
小加喺2009年10月加盟港交所,2010年1月16日起出任CEO兼執行董事。聽講佢當年去港交所面試時,當時係港交所董事嘅史美倫亦有份Interview佢,早排史美倫獲委任為港交所主席,小加仲舊事重提,話同史美倫係「一見鍾意」添。今次小加續約,史美倫話對小加有好高期望,望佢及其他管理層一同努力,帶領港交所更上一層樓咁話。
仲記得,就上個月「2018第四屆投資者關係大獎」典禮上,小加一聽到港交所拎到「整體最佳投資者關係公司大獎」,人家都未準備好頒獎,佢就飛身衝上台,搞到要行番落台,全場爆笑。為公司咁仆心仆命,抵佢賺嘅。
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:
新盤置啱睇
二手置啱Feel