睇樓逐呎度:鑽石廳出名三尖八角 擺位竟然咁好使?

20180722
東網電視
更多新聞短片
正所謂「Nothing is impossible」!鑽石廳設計畀人嘅感覺,一向都係「三尖八角、唔對稱、難擺位」,但今期《睇樓逐呎度》走到上水蔚翠花園嘅兩房單位,居然可以一反傳統,到底係咩一回事呢?
事關呢個「神奇鑽石廳」勝在地方夠大,由門口至客廳盡頭最長近17呎,至走廊亦近16呎,客廳即使擺放咗梳化及電視櫃之後,活動空間依然充裕,真係打「兩個跟斗」都仲得。另客廳亦設有大窗,唔單止飽覽室外景致,採光度亦都十足;至於飯廳開則工整,長逾10呎,放置餐桌同樣冇難度。
單位面積549方呎,樓底達8.41呎,不設玄關。2個睡房間隔四正,其中主人房長11.8呎、闊逾8呎,面積近100方呎,擺放雙人床仍可兩邊落床,空間闊落。客房長8.45呎、闊7.87呎,面積逾66方呎,畀唔少新進屋苑嘅客房寬敞,可惜有角位,難免要度身訂造家具,拖低實用性。此外,廚房設於大門嘅左邊,面積近50方呎,放置廚櫃後仍有充足活動空間。
上水蔚翠花園屬中低密度屋苑,加上鄰近北區公園,居住環境佳,但同時離港鐵站較遠,交通唔算方便。美聯王子超指,新房策出台後,區內交投減少,個別業主議價空間稍增,而上述單位同類放盤最平叫630萬港元。
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:
虛擬貨幣新錢途︰
新股上市專輯︰
「東網Money18」全新功能「貼市貼士」,助你掌握投資先機