睇樓逐呎度:一個人的廚房 既寂寞又孤獨?

20180916
東網電視
更多新聞短片
當「一個人的露台」再唔係「奇則」時,接連出現嘅當然係「一個人的廚房」。今期《睇樓逐呎度》屯門好勝大廈嘅兩房單位,實用面積約311方呎,誓估唔到呢個「細兩房」,真係細得交關,浴室同廚房分別只有19及24方呎,名副其實嘅「細到鵪鶉咁」。廚房擺咗雪櫃之後,真係肥少少未必入到去煮嘢食....
單位嘅廳堂以L形開則,面積約110方呎,闊度約10.77呎,長度約12呎,且設有曲尺窗,採光度十足;同時可以輕易咁區分客飯廳,加上樓底高約8.5呎,細單位嚟講空間感算強。廳旁嘅2個房間平排而建,當中主人房面積55方呎,長度逾8.4呎,擺放雙人床後仍有充足走動空間,然而窗位只闊約4呎,房間稍嫌偏暗。
客房面積約45方呎,最大特色係兩邊分別闊4.1呎及5.8呎嘅窗位,令室內更光猛通爽,可惜兩邊窗台甚寬闊,合共面積近20方呎,有欠實用。
好勝大廈坐落屯門新墟,鄰近輕鐵景峰站,住戶搭程輕鐵可轉乘西鐵往返市區,交通算係方便。祥益胡志偉指,好勝大廈盤源甚少,但隨區內交投轉靜,個別業主面對現實減價,如今次走訪單位嘅同類最平放盤,原先叫450萬元,現減至435萬元放售。據成交資料顯示,該物業年中曾錄高價成交,有低層同類單位以破頂價398萬元售出。
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
新盤置啱睇
二手置啱Feel