恒生「親生女」袁妙齡傳坐正

東網電視

傳聞袁妙齡會接任分行主管。(互聯網)

近排秋風起，銀行界都靜雞雞刮起人事變動風潮。絲絲收到風，有「分行一姐」之稱嘅恒生銀行(00011)分行網絡業務主管譚麗琼(Peggy)會喺今年底退休，嚟緊新一姐個位當然由內部晉升，聞說會由商務理財業務總監袁妙齡(Wendy)坐正。

原來Wendy係由管理培訓生(MT)出身，96年已經加入恒生，都可以話係恒生嘅親生女，佢咁多年嚟都做過唔少重要崗位，零售銀行及財富管理、甚至商業銀行業務，佢都曾經參與其中，嚟緊會負責關於零售網絡嘅銷售同埋服務。

聽講Wendy嚟緊會向關穎嫺(Margaret)匯報，即執行董事兼零售銀行及財富管理業務主管。心水清嘅讀者應該唔難發現，以上提過嘅三位主管都係女性，其實恒生近年上位嘅一班Top Team(高級管理層)，唔少都係女將。

呢幾日政府頻頻呼籲上市公司多啲委任女性擔任董事局成員，女將輩出嘅恒生，13名董事會成員當中，有5位係女性，比例達38%，比起政府所設嘅35%目標，明顯超額完成。

－－－－－－

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！

遊戲下載：

東網Money18「貼市貼士」功能，助你掌握投資先機

on.cc東網