睇樓逐呎度：鑽石廳又如何？夠大一樣贏晒
20181014
東網電視
更多新聞短片
以為鑽石廳一定唔等使？其實未必！今期《睇樓逐呎度》帶大家參觀何文田御龍居嘅兩房單位，廳堂面積接近300方呎，廳長逾20呎，絕對係名副其實嘅「大廳」，雖然採用鑽石形設計，間隔略嫌三尖八角，但地方勝在夠晒大，業主只需要喺斜牆位置度身訂造三角形電視櫃，即可平衡兩邊牆身，係咪既方便又快捷呢！
單位實用面積604方呎，樓底高逾8呎，走進大門即見廳堂，客廳設有闊7.74呎落地大窗，採光度高，同與飯廳嘅窗戶形成對流效果，有助室內空氣流通。飯廳開則比客廳工整，面積約50方呎，放置四人餐桌冇難度。
至於2個睡房闊落，其中主人房面積約95方呎，擺放雙人床仍可兩邊落床，加上有近10呎闊窗，視野開揚。美中不足嘅係，房內有角位增加擺位難度。客房間隔四正，面積86方呎，比時下唔少新進屋苑闊落。廚房則設於大門旁邊，面積51方呎，開則實用。浴室面積逾35方呎，開則勻稱。
御龍居坐落名校區，居住環境佳。美聯林子傑指，區內租務需求大，加上屋苑租盤較少，業主叫租暫未跟隨大市回軟，上述單位同類兩房租盤現時最平月租叫價2.5萬元，而9月屋苑錄2宗租務成交。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
想睇更多一、二手樓精彩故事，即click以下連結：
新盤置啱睇
二手置啱Feel