亞馬遜虛擬語音助手Alexa拒絕了100萬次求婚 ！

據亞馬遜透露，其智能揚聲器Echo配備嘅虛擬語音助手Alexa，原來喺去年全年曾遭到用戶高達100萬次求婚！小記估計，可能用戶每天都與Alexa交談，日常生活瑣事都由她安排妥當，日久生情也是人之常情吧！何況之前亞馬遜就曾經揚言：「Alexa係近乎完美嘅伴侶！」

之不過，對於用戶嘅示愛，Alexa同樣也拒絕了他們100萬次。她回應：「我們生活喺不同嘅世界，你喺地球上，而我喺雲上。」之不過，有研究表明，到2021年，地球上嘅虛擬語音助手數目將與人類數目相同。到時候，求婚結果也可能會唔同。

唔講唔知，Alexa擁有超過50,000種技能，並唔係只會開燈、播放音樂和烹調意粉時幫你計時等等，原來亞馬遜今年3月就剛為Alexa申請咗一項名為「通過用戶聲音檢測其身體和情緒狀況」嘅專利，本月正式通過審批。

專利中描述，Alexa會識別出「快樂、高興、憤怒、悲傷、煩躁、恐懼、厭惡、厭倦或壓力」等情緒，並對相應指令做出回應，包括提供具有高度針對性嘅音頻廣告。例如，當Alexa喺察覺你身體狀況不妥後，就會向你推薦藥品。不過，以上嘅情景是否會成真，現時還不得而知。

－－－－－－

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！

遊戲下載：

https://goo.gl/i2t1yj 　

東網Money18「貼市貼士」功能，助你掌握投資先機