華爾街銀行家為一單「刁」 可以去到幾盡？
20181024
東網電視
更多新聞短片
國際電召專車公司Uber計劃明年初IPO。(美聯社圖片)
一位華爾街嘅投資銀行家，為了一單刁(Deal)，原來可以去到很盡！所講嘅係美國投行摩根士丹利嘅科技部門主管Michael Grimes，有報道指他為咗拿下國際電召專車公司Uber嘅IPO，竟然暗地裏做咗很多年Uber司機。
眾所周知，成立已經9年嘅Uber計劃明年上市，由於估值高達1,200億美元，故Uber將可以為負責包銷嘅投行帶來數千萬美元包銷費用，但這對於一位年薪數百萬美元嘅Banker嚟講，這也未至於要親自下海，去兼職做Uber司機咁誇張？
據Dealogic數據顯示，今年以來全球科技公司發行了1,230億美元股票，而去年同期僅為840億美元，高盛、大摩和摩根大通等喺今年前9個月獲得嘅股票發行包銷費用增長40%。美國投資銀行間競爭非常激烈，而大摩喺過去5年中有4年一直都係美國科技公司IPO嘅最Top嘅包銷商。
Uber可能在2019年初上市，摩根士丹利和高盛最近向Uber提交了IPO計劃。而雙方與Uber嘅關係同樣緊密，同樣都有投資Uber。
之不過，講番Grimes本人，其為了搶得大刁可謂無所不用其極，例如當年「閱後即焚」通訊工具Snap公司IPO近一年前，佢就喺Snapchat母公司加州威尼斯總部附近租了住所；當大摩幫助音樂流服務Pandora Media上市時，佢讓手下穿上搖滾音樂會嘅T恤。而向Pandora董事會陳述IPO計劃前，他花了數周時間研究自己女兒如何使用該串流音樂網站，並選擇團隊場地嘅顏色作為報告紙張嘅顏色。
所以話，搵食有幾咁艱難，華爾街銀行家也和普通人一樣。而據知情人士所講，大摩更有可能獲得Uber最大包銷商嘅角色，這意味着該行將獲得更高嘅佣金和更高嘅聲譽。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
「致富智庫」領悟理財/職場智慧，一Click改變一世