睇樓逐呎度:老牌居屋廳房見使 最敗筆係呢個位...

20181028
東網電視
更多新聞短片
正所謂「家有一老,如有一寶」,人係咁,樓亦係咁!今期《睇樓逐呎度》參觀傳統居屋之一嘅油塘中心,該盤樓齡接近40年,走訪嘅兩房單位秉承居屋實用風格,冇窗台,仲要廳房間隔四正,擺位方面真係好使好用。不過,全屋最大敗筆就係近大門口嘅玄關又長又窄,足足超過6呎,到底用嚟做乜好?
單位實用面積421方呎,樓底約8呎,入屋要經過玄關先至進入廳堂,面積逾180方呎,由於呈L形設計,加上大廳長達18.97呎,客飯廳布局分明,地方寬敞。其中,飯廳面積約57方呎,擺放餐桌冇難度,但不設窗戶,令室內偏暗。至於客廳面積約125方呎,闊度達9.38呎,放置梳化及電視櫃後仍有充裕走動空間,而旁邊窗位幾乎用盡兩邊牆,採光度足。
2個房間間隔四正,當中主人房面積逾88方呎,最大特色係長逾12.98呎,放置家具隨心所欲。至於客房面積亦有75方呎,比一般新進屋苑客房大一截。浴室面積僅25方呎,略嫌逼狹;廚房面積則約45方呎,開則勻稱,下廚空間充足。
油塘中心屬私人參建居屋,由9座中密度大廈組成,各戶不用補地價便可自由買賣。世紀21聯誠謝寶昭表示,市況逆轉,部分業主叫價回軟,上述兩房單位放盤向來稀少,現時最平叫價630萬港元,較施政報告(10月10日)前減約20萬元。
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
想睇更多一、二手樓精彩故事,即click以下連結:
新盤置啱睇
二手置啱Feel