【即市分析】仲有冇基金紛飾窗櫥效應？
20181109
東網電視
更多新聞短片
東方產經專欄作家Handsome哥：今期港股真係冇乜好炒，指數短線衝完一轉後隨時要停一停，除非港股有新力軍如A股回升推動中資金融股進一步做好，又或者中美貿易戰有新轉機，否則再上空間有限，短期或先走一段上落市，再覓方向。
講開內銀股，睇番阿爺年內已4度降準，內銀股係就係叫做企穩咗，但再進一步上升的空間始終有限，尤其是市場擔心內地一聲令下要內銀「救救民企」，咁就隨時一鑊熟，所以都係好睇唔好食。
反而，去到11月其實已臨近年尾，基金大戶會唔會預早炒定一堆權重股整靚盤數，就係另一個值得深研的一個問題，故即使今轉港股再上，可能都係得少部分個股有得升，所以大家都係做足功課「備戰」！
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向