【即市分析】如何應對港股「神經刀」？

東網電視

東方產經專欄作家Handsome哥：港股一係唔行，一行尋日就幾百點，仲要單日轉向，表現「神經刀」，揸倉過夜隨時左一巴完右一巴。所以呢期參與魚缸都係只宜限注短線操作，盡量唔好持倉過夜，免得夜長夢多。

其實港股近幾年可以說已經「轉莊」由內地資金揸旗，外資在大跌時市沽得就沽，但慘在A股唔爭氣，缺乏北水支撐下港股亦難有運行，所以點睇港股中線都係跟A股走勢比較多，起碼即市走勢在時間性上叫做較一致。

另外，要留意A股向來有政策市之稱，加上場內資金以散戶為主，短線上落主要受氣氛影響，波動性比較大，港股跟住走，走勢自然會較飄忽。展望今明兩日市況集點都在騰訊控股(00700)季績身上，信心唔多就靠邊站，寧買貴莫買錯！

─ ─ ─ ─ ─ ─

「東網Money18」全新功能「貼市貼士」，助你掌握投資先機

「互聯餘額」數據，助你掌握北水動向

on.cc東網