【即市分析】4個理由騰訊未跌完！
20181115
東網電視
更多新聞短片
東方產經「薦神」專欄作者帥哥：騰訊控股(00700)昨日(周三)收市後公布遠優於預期的季績，以為港股今日會有運行，不過隔晚美股唔生性，就算A股企穩，但恒指都係高開低走。講到尾，騰訊基本面都唔係一片光明，要資金急速轉軑大手低炒確有難度，咁究竟有幾多個理由騰訊未跌完呢？
首先，從內部國策睇，阿爺早前出到聲話要關注青少年玩網遊，未知何時會恢復新遊戲審批，集團被迫放慢這門高增長業務發展，即使第3季智能手機遊戲收入(包括社交網絡業務的智能手機遊戲收入)按年增長7%，按季則增長11%，表現確令市場跌眼鏡，但在基數繼續擴大下，預視未來相關業務要有新驚喜難度更大，反之更要小心「數據滯後」的危機。
其次，從外部睇，美國科技股近月風雲變色，蘋果公司股價自10月初拾級而落，隔晚再跌2.8%報186.8美元，以高位計已累跌近兩成，快將進入技術性熊市，加上Facebook及Google母公司Alphabet股價近月同樣反覆向下，作為在港上市科網股龍頭的騰訊，未來走勢自然唔樂觀。
此外，騰訊股價近幾個月級級落，但近期沽空佔成交金額只維持在10至13%左右，未見大增迹象，這亦減少淡友因股價上升而冚倉所帶來的反彈動力。
最後，實際一點，睇番估值同股價，騰訊股價10月尾跌至251.4元似乎有喘定迹象，但跌停唔代表會大彈，另往績市盈率維持在29倍水平，即使唔算貴但都唔叫得平，咁亦係股價隨時要再落的誘因。
就咁簡單數，都有四大理由暗示騰訊股價未跌完，所以作為小散戶，如果要博騰訊反彈，似乎都可以等多一陣。
騰訊上季純利超想像
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向