都市迷思！紙幣爛咗到底點算好？呢招幫到你
20181116
東網電視
更多新聞短片
如果唔小心將紙幣撕爛咗一半，係咪真係直接報銷作廢？金管局話你知，原來銀行係會願意幫市民，換返張「靚靚仔仔」嘅銀紙！
市民如果真係有紙幣撕爛咗，只要拎返去發鈔銀行要求更換，銀行一般會按既定嘅準則嚟驗證真偽同損毀程度，例如會驗吓張銀紙係咪真鈔、睇下防偽特徵仲係咪完整、損毀面積有幾嚴重等，再決定是否換過張銀紙畀你。
金管局提醒市民，市面上有部分十蚊紙係由香港特區政府發行，滙豐銀行係政府十元紙幣嘅代理銀行，都可以協助市民更換十蚊紙。
雖然有唔少人鍾意「DIY」用膠紙黐返埋張銀紙，但金管局話，咁樣其實算係「合成銀紙」，唔可以視為法定貨幣架，所以最好都係交返畀發鈔銀行處理。
話時話，依期大家都鍾意講「Cashless(無現金化)」，但原來自2013至2017年期間，香港紙幣嘅總流通金額增長近四成，主要因為香港經濟活動及來港遊客增加，似乎大家都覺得袋住現金穩陣啲！
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
想睇更多一、二手樓精彩故事，即click以下連結：
新盤置啱睇
二手置啱Feel