【即市分析】個股染藍 猶如糖衣毒藥?

20181207
東網電視
更多新聞短片
(Getty Images圖片)
東方產經「北水頭等倉」專欄作者司慕渢:近兩日醫藥股遭洗倉,兩隻藍籌醫藥股──中國生物製藥(01177)及石藥集團(01093)好似股仔咁跌,如墮無底深潭。
屈指一算,過去兩日中生製藥股價下跌,市值最多已蒸發235億元;石藥同期市值最多已蒸發了254億元。兩隻大藍籌兩日市值最多合共唔見近500億元,有貨走唔切真係喊得一句句!
內地各行業政策時有改變,有番咁上吓投資資歷的投資者,應該唔意外,只係今次藥物中標價大跌的問題來得突然,加上中資股氣氛利淡,股民中伏就真係無話可說。
睇番轉頭,無論係今次兩個主角──中生製藥及石藥,抑或早前染藍的手機設備股--舜宇光學(02382)及瑞聲科技(02018),染藍後股價就迎來大升浪頂部,之後就進入漫長的跌浪,長坐有胡唔食又唔識落車,真係可以輸死人!
咁個股染藍,係咪預示業務將盛極而衰,甚至如「糖衣毒藥」,要視為逢高沽貨訊號,就等大家自行領悟!
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向