碧桂園太子女楊惠妍紮職 坐正做主席!

2018年12月07日 22:43
東網電視
更多新聞短片
中國女首富、碧桂園太子女楊惠妍升任公司聯席主席。(互聯網)

今年蟬聯中國女首富嘅碧桂園(02007)太子女楊惠妍升職,升任公司聯席主席,主要負責協助佢爸爸楊國強處理日常工作,但人工就維持年薪1,500萬人仔。不過,楊國強仲未退休嘅,會繼續做主席帶領同監督董事會運作喎。

根據資料,今年37歲嘅楊惠妍係楊國強二女,喺05年加入碧桂園擔任採購部經理,06年12月已經獲委任執行董事,直至12年3月做埋副主席。公司又讚,楊惠妍領導物業管理服務分拆上市,對佢嘅工作能力同表現高度認可。佢升咗職後,仲要睇埋新業務探索,例如幫助公司積極探索農業及機械人等領域。

事實上,楊惠妍當年加入公司後,楊國強已將自己所有股權轉讓畀佢,確認接班人身份。亦因為咁,楊惠妍手持碧桂園股權而多次登上中國女首富之位。

睇住個女愈來愈幫得手,就喺今年初被問到退休時,楊國強漏咗口風話自己都想,但阿女即刻落閘叫佢做多幾十年先!照依家咁睇,碧桂園盤大生意可能好快可以交棒,楊總可以去歎世界喇。
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!

遊戲下載:
https://goo.gl/i2t1yj

東網Money18「貼市貼士」功能,助你掌握投資先機
http://bit.ly/2sLtGDm