古勝：避險氣氛驟升 小注金礦股
20181211
東網電視
更多新聞短片
資金流入黃金避險。(美聯社圖片)
古勝在東方產經「MARKET INSIGHT」專欄中表示，屈指一算，美國最新公布的非農數據差過預期、憂華為事件激發貿易戰惡化、美國長短債息倒掛增加衰退風險、環球各地股市開始先後發出技術熊市信號，以至最近轉炒聯儲局12月加息機會下降等，凡此種種皆令市場Risk off，惟美元卻未見受惠，資金更傾向湧入黃金。
按以往經驗，若非「大事件」金價都難以推上，而今轉金價衝到上1,250美元樓上，唔通環球金融市場今次會係比悲傷更悲傷的故事？
睇番上述眾多負面因素，其實最終都係指去同一個方向，就係市場對美國明年經濟衰退風險之預期上升。值得留意的是，本來美元回軟應有利人民幣匯價反彈，甚或推動部分受惠人仔匯價跌勢放緩的板塊，如債務負擔重，且以人仔收入為主的內房股。
不過，顯而易見的是，近期一眾龍頭或規模較大的內房股走勢都唔多對路，中國恒大(03333)、碧桂園(02007)、華潤置地(01109)及中國海外(00688)等股價唔係升唔起，就係跌穿10月至今上升軌支持，其他二三線內房走勢就更加曳。這亦間接道出港股氣氛轉差下，早前之反彈浪已正式玩完的事實，內房股當然掂唔過啦。
美元回軟，人仔彈唔起，非美外幣亦個別發展，例如日圓升、英鎊回軟；反之，金價及金礦股近期順利藉避險需求上升及美元轉弱而反覆向上。睇番金價自10月中開始主要在1,200至1,240美元水平上落，唔經唔覺周一已衝到上1,250美元樓上，即市更一度高見1,255.8美元。考慮到金價整固已一段時間，相信今轉升浪唔會太短癮，加上金礦股難得發威，當然要讓子彈飛一會。
走勢上，以招金礦業(01818)的表現最好，股價自10月中破位而上後整固一輪，及後於11月中旬進一步發力，至今已營造穩定上升通道，周一升3.1%報7.65元，現價企穩多條主要平均線上，MACD牛叉有重新擴闊迹象，值得順勢小注跟進，首站目標8.2元，止蝕位7.3元。
至於半新股山東黃金(01787)，周一更破位而上，突破10月尾至今的18元水平阻力，可順勢上車。此股勝在無蟹貨，上方海闊天空，故策略上宜將止賺/止蝕位定於10天線17.5元即可，博一博外圍風頭火勢，資金繼續流入此股。
此外，雖然話港交所(00388)聯合滬深交易所公布，滬深港交易所已就同股不同權納入港股通股票具體方案達成共識。不過，睇番小米(01810)及美團點評(03690)兩股周一分別跌2.6%及3.6%，都真係好難想像前景有幾咁好！起碼資金已用行動來投票，所以「W」字頭股係咪真係有錢途，其實都不言而喻。
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向