【即市分析】港股唔大跌已當跑贏
20181211
東網電視
更多新聞短片
東方產經專欄作家Handsome哥：外圍風雨飄搖，想港股獨善其身確有難度，加上多個板塊氣氛唔對路，似乎中線都係瓜多過菜，後市唔大跌已當跑贏。
簡單分析眾多板塊，醫藥股擺明被中央國策玩死，十足十似教育股翻版；內房股本來可受惠人仔跌勢放緩，可惜之前已提早炒一浸，近期反而抖氣；汽車股為中美貿戰核心板塊之一，前景唔係咁易「估」，資金點會沾手；手機設備股受蘋果公司手機銷情向淡，股價又係死死吓。反之，近期金礦股見有避險資金追入已經成功起飛。
所以話，港股短期就算唔變成「資金提款機」，但要回勇真係甚艱難，短線策略還是以審慎為主，若然難得冇貨在手，就要記住個「忍」字，咪衰多手！
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向