【即市分析】「肥牛」當前 大戶推低誘因大
20181211
東網電視
更多新聞短片
東方產經專欄作家Handsome哥：近期環球投資市場風高浪急，港股飄忽不定，一個唔好彩隨時左一巴右一巴，真正揾食艱難。既然係咁，不如從期指未平倉合約變化及牛熊街貨數據，睇睇對後市部署有冇幫助。
先睇恒指12月期貨即市升51點報25,764點，成交張數約8.7萬張，未平倉合約即市約15.4萬張，以暫時成交與未平倉合約張數睇，好淡雙方似乎未到決一勝負時刻。
再睇埋恒指牛熊街貨數據，資料顯示，恒熊街貨重貨區為26,452至26,499點，街貨4.99億份，相對期指約909張(增加348張)。至於恒牛街貨重貨區為25,000至25,099點，街貨8.04億份，相對期指約1,515張(增加約159張)，而最多新增街貨區為25,500至25,558點，街貨5.6億份(相對新增期指約938張)；加上下方25,400至25,499點街貨數量亦不少，街貨6.8億份(相對新增期指約617張)。另外，牛熊街貨比例(以相對期指張數計算)，則約58：42。
簡單而言，恒指好友開始將「兵力」部署在較貼價的25,400至25,550點水平，似有意一守，至於大戶短期會唔會食埋這份肥牛(即以恒指現價計推低多300幾點)，就要拭目以待！
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向