【M18推薦】生意淡薄不如賭博？吼騰訊輪…
20181211
東網電視
更多新聞短片
東方產經專欄作家Handsome哥：美股近期飄到暈，英國脫歐變數多到唔敢睇，相反港股好平靜，恒指即市上落波幅細就唔在講，最慘情係下午三點幾大市成交都只係500多億元，唔通缸邊友都提早放聖誕假？
外圍前景好難睇得清，但所謂生意淡薄不如賭博，仍然留喺個場又手痕的話，細細注吼輪證博一博，又唔係完全冇操作空間。就以成交較旺的騰訊(00700)為例，近期正股在300元似乎有支持，而前高位328.4元則為短線阻力位所在。
策略上，就集中睇吓啲貼價同時日唔多的騰訊輪證。看好者可留意騰訊海通購(28316)，明年2月到期，行使價330元，實際槓桿約10倍，溢價約10%，勝在有成交，且街貨量16%唔算太大，仲有兩個幾月到期。至於看淡者可候高留意騰訊法興沽(26822)，明年1月到期，行使價310元，實際槓桿約9倍，溢價約5%，此輪勝在溢價都仲接受到，且落番多少已可博轉價內，街貨量適中為12%。
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向