馬化騰變身「創造101」C位 帶隊唱跳主題曲！
20181213
東網電視
更多新聞短片
騰訊主席馬化騰。(Getty Images圖片)
騰訊控股(00700)日前舉行2018年度員工大會上，主席馬化騰攜同總裁劉熾平等眾多高管一起進行才藝表演！那就係一齊又唱又跳，由騰訊視頻製作嘅熱爆內地選秀節目「創造101」嘅主題曲，誰知這個視頻迅即就登上微博熱搜，不少網友將馬化騰比喻為「創造101」裏頭嘅總冠軍，擔任Center嘅孟美岐。
Center係乜冬冬？其實此乃偶像女團中，最受歡迎嘅成員，就會企喺中央位置，因為最搶眼呀嘛，呢個中央位就叫做Center，內地就喚作C位！
絲絲所知，呢次已經唔係馬化騰第一次上台演出，今年初騰訊年會上，佢就化身hiphopman，帶住副黑超同金色BOSS項鍊深情演唱咗一曲《至少還有你》，同樣熱爆。
講番喺員工大會上，馬化騰談到，過去一年最大感受嘅係責任，借助騰訊20周年契機，反思騰訊嘅使命和願景，勢要真正成為「最受尊敬互聯網企業」。
講開音樂，騰訊旗下嘅騰訊音樂周三(12日)終於喺美國掛牌，股價首日收報14美元，較定價13美元高7.69%。
騰訊今日(13日)宣布，如果你喺明年1月4日，每持有3,900股(39手)，就可以選擇收取1股騰訊音樂，或相當於13美元嘅港紙現金。以騰訊尋日收市價318.6元計算，投資者要揸成124.25萬元貨先有1股騰訊音樂。如果唔夠3,900股亦唔使灰心嘅，每夠1,500股(15手，尋日收市時值47.79萬元)可獲現金39元，其後每夠500股，將獲派現金13元。
不過，如果你連1,500股都冇，就乜都無囉！
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
東網Money18「貼市貼士」功能，助你掌握投資先機