認股期權價值勁縮　中概股員工買樓夢碎

中國不少初創企業成功上市，隨之而來的是員工們不少都因而一夜間變成百萬、千萬以至億萬富翁。好似小米集團(01810)七月來港上市，據講有56名員工，不少即變成千萬以至億萬富翁，係咪好羨慕呢?

之不過，正所謂世事無絕對，近期就有一啲中國初創企業赴美上市，持股員工一心一意諗住發達有期，誰不知結果與夢想發達嘅落差可以好大!

所講嘅係上周四(12月6日)剛赴美國上市嘅中資初創企業、時尚電商平台蘑菇街，不到幾天郤傳來匿名蘑菇街員工爆料指，早期由BAT過檔蘑菇街，人工少咗外，仲花咗6位數買入蘑菇街幾萬股公司認股期權，滿心希望與公司一起奮鬥至上市，到時分享成果。

但是如今公司上市了卻得知有26億總股本，且股票期權要除以25，這令到呢名員工覺得這幾年都係白做了。有網友戲稱呢位員工一心以為上市發達能買樓，結果換股所得嘅錢淨係夠買個廁所。

何解股權會遭到稀釋呢？由於人民幣股票和美元股票計價方式不同，在美上市的中國公司只能發美國存託股憑證(ADS)。簡單來說，就是蘑菇街員工手頭嘅股票期權實際上係普通股，期權價值不能直接乘以當時嘅股價得出，而必須根據ADS的規則合成美國股票。

不過每家美國上市嘅中國企業換算情況都不盡相同，計算較為複雜。蘑菇街喺美國紐交所上市，招股書顯示，蘑菇街此次IPO共計發行475萬股ADS，每股ADS首次公開發售價格為14美元，1 ADS股等於25股普通股。這就令到上述嘅蘑菇街員工氣憤嘅原因，因為突然得知期權要除以25，總股本竟然有26億。

員工期權價值公式一般認為是，股票價值減行權成本(公司給員工的買入價)再減稅費。截止到昨日(周四)美股收市，蘑菇街股價為16.5美元，升13.79%。如果以員工5萬股期權換算，50,000(期權)/25(基數)x 16.5(股票價格)x 6.9(匯率)，最後計算得出為22.77萬人民幣左右。呢筆錢還未減去高達30%左右稅費以及行權成本。

不過，媒體指，蘑菇街從沒有承諾過期權價值，所以呢次期權縮水風波出來後，大部分員工心理上無乜影響，因為大家本來就對一夜置富，沒有很大期待咁話!

　　

中國電子商務研究中心主任曹磊在接受媒體採訪時表示，蘑菇街或許是面對急於資本變現、擺脫現實困境以及讓前期資本順利退出的壓力交雜，公司才一步步稀釋了股權，犧牲了員工利益吧。對於員工以上怒吼，蘑菇街公司沒有回應。

　

－－－－－－

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！

遊戲下載：