睇樓逐呎度：康田苑間隔四正 唯獨沖涼唔夠爽
20181216
東網電視
更多新聞短片
曾經有人話「收工返屋企沖涼係人生一大樂事」，但如果屋企浴室唔夠20方呎，又係咪咁講呢？今期《睇樓逐呎度》參觀藍田康田苑嘅兩房單位，浴室面積僅僅19方呎，在內嘅淋浴間只係得7呎幾，逼狹程度嚟講，真係轉個身都要唔容易。
呢個單位實用面積466方呎，入屋經過小玄關進入廳堂，採長形設計，面積約117方呎，長15.26呎，闊7.65呎，加上寢區嘅走廊置中，令客飯廳布局分明。客廳設有約7呎嘅窗位，引進充足陽光，室內光猛舒服。
兩個睡房間隔四正，其中主人房面積約73方呎，最煞食係房長11.47呎，擺位靈活。客房面積約54方呎，設有兩邊窗，採光度高。
全屋最敗筆嘅地方，除咗浴室，應該就係設於大門口右邊嘅廚房。個廚房呈不規則間隔，增添擺位難度，須度身訂造廚櫃以善用空間。好在廚房面積近50方呎，儲物及下廚空間算充裕。
康田苑落成已經36年，由3座彈性十字一型大廈組成，提供792個單位。世紀21聯誠謝寶昭指出，康田苑屬最早期居屋，毋須補地價買賣，但係盤源一向少，即使係淡市，放盤業主議價空間唔算多，所以成交量稀疏，本月至今仍未錄買賣。佢又話，與上述單位同類嘅兩房放盤，現時叫價約638萬元，每月叫租15,500元。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
想睇更多一、二手樓精彩故事，即click以下連結：
新盤置啱睇
二手置啱Feel